پ پ چيئرمين بلاول ڀٽو زرداري چيو آهي ته آزاد ڪشمير ۾ پاڪستان پيپلز پارٽي جي ئي حڪومت ٺهندي ۽ ايندڙ وزيراعظم پ پ جو جيالو هوندو.
ڪوٽلي، آزاد ڪشمير ۾ چونڊ جلسي سان خطاب ڪندي بلاول ڀٽو زرداري چيو ته پ پ اميدوارن تي مڪمل يقين آهي، اهي اسان سان گڏ بيٺل رهندا، عوام کي هن مهانگائي مان ڇوٽڪارو حاصل ڪرڻو آهي، موجوده حڪومت جي ڪشمير پاليسي ۽ رويي تي شروع کان تنقيد ڪئي آهي، ڪشمير جي ماضي جي وزيراعظمن ۽ عمران خان جي طريقي ۾ واضح فرق آهي.
هن چيو جيڪڏهن انهن جي طاقت حڪومت آهي ته اسان جي طاقت پ پ آهي، حڪومت ٺاهڻ لاءِ پنهنجي جماعت ۽ پنهنجي ماڻهن جي طاقت تي يقين رکون ٿا، پ پ جو بنياد ئي ڪشمير جي آزاد خاطر رکيو ويو، آزاد ڪشمير جو ايندڙ وزيراعظم جيالو هوندو، عوام آزاد ڪشمير ۾ پ پ جي حڪومت ئي ٺاهيندو.
