آرمي چيف جنرل قمر جاويد باجوه چيو آهي ته والاريل وادي ۾ انساني حقن جون ڀڃڪڙيون بحران پيدا ڪري رهيون آهن.
ڀارت طرفان والاريل ڪشمير جي خصوصي حيثيت جي خاتمي جا ٻه سال مڪمل ٿيڻ تي سڄي پاڪستان ۾ يوم استحصال ملهايو پيو وڃي جڏهن ته والاريل وادي ۾ به مڪمل هڙتال آهي.
آءِ ايس پي آر موجب آرمي چيف جنرل قمر جاويد باوجوه چيو ته والاريل ڪشمير ۾ بدترين رياستي جبر جاري آهي ۽ والاريل وادي ۾ انساني حقن جون ڀڃڪڙيون بحران پيدا ڪري رهيون آهن.
آرمي چيف چيو ته والاريل ڪشمير ۾ سلامتي بحران علائقائي امن لاءِ خطرو آهي، ڪشميري عوام جي خواهش ۽ گڏيل قومن جي ٺهرائن موجب ڪشمير مسئلي جو حل خطي ۾ امن ۽ استحڪام لاءِ ضروري آهي، ڪشميرين جي اميدن تحت تڪرارن جي حل کان سواءِ امن ممڪن نه آحي.
