وزيراعظم عمران خان چيو آهي ته بدقسمتي سا پاڪستان ۾ بجلي جا اگهه تمام وڌيڪ آهن، اسان توانائي جي منصوبي ڪاسا1000 کي جلد مڪمل ڪرڻ چاهيون ٿا.
دوشنبي ۾ بزنس فورم کي خطاب ۾ وزيراعظم عمران خان تاجڪستان جي بزنس ڪميونٽي کي پاڪستان ۾ سيڙپڪاري جي دعوت ڏني.
وزيراعظم چيو ته سيڙپڪاري ڪندڙن کي پاڪستان ۾ هر ممڪن مدد فراهم ڪنداسين، پاڪستاني بزنس ڪميونٽي جي لاءِ به سولايون پيدا ڪري رهيا آهيون.
عمران خان جو چوڻ هو ته پاڪستان مان مختلف شعبن جون 67 ڪمپنيون تاجڪستان آيون آهن، عالمي سيڙپڪارن کي پاڪستان جي حڪومت هر ممڪن سهولت فراهم ڪندي.
