پاڪ فوج جي سربراهه جنرل قمر جاويد باجوا چيو آهي ته پاڪستان هر قسم جي عالمي سياحت، راندين ۽ ڪاروباري سرگرمين لاءِ محفوظ آهي.
آءِ ايس پي آر موجب آرمي چيف جنرل قمر جاويد باجوا سان يونان جي سفير جي ايڇ ڪيو ۾ ملاقات ڪئي، جنهن ۾ گڏيل معاملن، علائقائي سيڪيورٽي ۽ افغانستان جي صورتحال تي ڳالهه ٻولهه ٿي.
ان موقعي تي آرمي چيف چيو ته پاڪستان پنهنجي عالمي ڀائيوارن سان گڏ خطي ۾ امن ۽ افغان عوام جي مستحڪم ۽ خوشحال مستقبل کي يقيني بڻائڻ لاءِ پرعزم آهي، اسان گڏيل مفادن جي سڀني شعبن ۾ صحتمند ٻه طرفي ڏي وٺ جي حوصلا افزائي ڪيون ٿا.
