آزاد ڪشمير جي ضلعي راولاڪوٽ ۾ هيانءُ ڏاريندڙ حادثي ۾ 23 ڄڻا فوت ٿي ويا.
راولاڪوٽ ڀرسان مسافر بس کاهيءَ ۾ ڪِري پئي، جنهن جي نتيجي ۾ 23 ڄڻا فوت ۽ ڪيترائي زخمي ٿي پيا، جن ۾ عورتون ۽ ٻار پڻ شامل آهن.
حادثي جو اطلاع ملندي ئي ريسڪيو ٽيمون پهچي ويون ۽ آپريشن شروع ڪري ڇڏيو، حادثي ۾ 7 ڄڻا ٿڏي تي فوت ٿي ويا، جڏهن ته 16 ڄڻن زخمن جي سٽ نه سهندي رستي ۾ دم ڏنو، فوتين جا مڙهه ۽ زخمين کي تعلقي هيڊ ڪوارٽر اسپتال بلوچ پهچايو ويو.
ريسڪيو ذريعن موجب مسافر ڪوچ راولاڪوٽ ضلعي کان ڪوٽلي وڃي رهي هئي ته منجياڙي ڀرسان اونهي کاهيءَ ۾ ڪِري پئي، بس ۾ ڪُل 30 مسافر سوار هئا.
