اڳوڻي سريلنڪن ڪرڪيٽر سنٿ جئي سوريا به سيالڪوٽ ۾ پيش آيل افسوسناڪ واقعي تي خاموشي ٽوڙي ڇڏي.
ٻه ڏينهن اڳ سيالڪوٽ ۾ پيش آيل واقعي تي جتي سڄي قوم ڏکاري آهي، اتي ئي پرڏيهه ۾ رهندڙ به ان واقعي ۾ ملوث جوابدارن خلاف سخت ڪارروائي جو مطالبو ڪري رهيا آهن.
اڳوڻي سريلنڪن ڪرڪيٽر سنٿ جئي سوريا سوشل ميڊيا تي پنهنجي پوسٽ ۾ لکيو ته جيڪو ڪجهه پاڪستان ۾ ٿيو، اهو تمام گهڻو حيران ڪندڙ آهي ۽ منهنجي دلي همدردي متاثر خاندان سان آهي.
هن وڌيڪ چيو مون کي يقين آهي ته وزيراعظم عمران خان واقعي ۾ انصاف جا تقاضا پورا ڪندو.
