Pakistan’s Sajid Khan (L) celebrates after the dismissal of Bangladesh’s wicketkeeper Liton Das (2R) during the final day of the second Test cricket match between Bangladesh and Pakistan at the Sher-e-Bangla National Cricket Stadium in Dhaka on December 8, 2021. (Photo by Munir Uz zaman / AFP) (Photo by MUNIR UZ ZAMAN/AFP via Getty Images)
پاڪستان ڍاڪا ٽيسٽ ۾ بنگلاديش کي اننگز ۽ 8 رنسن تان شڪست ڏئي ٻن ميچن جي سيريز ۾ ڪلين سوئيپ مڪمل ڪري ورتو.
شير بنگلا ڪرڪيٽ اسٽيڊيم ۾ کيڏيل ميچ ۾ بنگلاديش جي ٽيم ٻي اننگز ۾ 205 رنسن تي آئوٽ ٿي وئي.
پاڪستاني بالرن ٻي اننگز ۾ به بهترين بالنگ جو مظاهرو ڪيو ۽ رڳو شڪيب الحسن پاڪستان خلاف ففٽي اسڪور ڪرڻ ۾ ڪامياب رهيو، جنهن کي 63 رنسون ٺاهڻ کانپوءِ ساجد خان بولڊ ڪري ڇڏيو، جڏهن ته مشفق الرحيم 48 رنسن تي رن آئوٽ ٿي ويو.
ساجد خان ٻي اننگز ۾ به بهترين بالنگ ڪرائيندي 4 وڪيٽون ورتيون، جڏهن ته شاهين آفريدي ۽ حسن علي 2-2 شڪار ڪيا.
ساجد خان ميچ ۾ مجموعي طور 12 وڪيٽون حاصل ڪيون ۽ هو پاڪستان طرفان ڪنهن به ٽيسٽ ۾ 12 وڪيٽون وٺندڙ پهريون آف اسپنر بڻجي ويو.
ان کان اڳ پهرين اننگز ۾ بنگلاديش جي ٽيم 87 رنسن تي آئوٽ ٿي فالو آن جو شڪار ٿي وئي.
واضح رهي ته پاڪستان پهرين اننگز 4 وڪيٽن جي نقصان تي 300 رنسون ٺاهي ڊڪليئر ڪئي هئي.
ميچ جو بهترين رانديگر ساجد خان، جڏهن ته سيريز جو بهترين رانديگر عابد علي کي قرار ڏنو ويو.
