بالي ووڊ اداڪار شاهه رخ خان جو پٽ ۽ منشيات ڪيس جو جوابدار آريان خان کي عدالت کان وڏو رليف ملي ويو.
آڪٽوبر ۾ منشيات ڪيس ۾ گرفتار ۽ پوءِ آزاد ٿيل آريان خان کي بومبي هاءِ ڪورٽ ان شرط تي ضمانت ڏني هئي ته هو هر جمعي جي ڏينهن نارڪوٽڪس ڪنٽرول بيورو جي ممبئي واري آفيس ۾ حاضري لڳائڻي پوندي. پر هاڻ عدالت ضمانت جو اهو شرط ختم ڪري ڇڏيو آهي.
ڀارتي ميڊيا موجب اهو فيصلو اڄ بومبي جي هاءِ ڪورٽ کان آيو آهي، عدالت چيو ته جڏهن به اسپيشل انويسٽيگيشن (خاص جاچ جي) ٽيم آريان خان کي طلب ڪندي ته کيس پاڻ دهلي اچي پيش ٿيڻو پوندو.
