خيبر پختونخواهه جي ضلعي اتر وزيرستان ۾ فوجي چوڪي تي دهشتگردن جي حملي جي نتيجي ۾ هڪ جوان شهيد ٿي ويو.
پاڪ فوج جي عوامي رابطن واري شعبي (آءِ ايس پي آر) موجب دهشتگردن اتر وزيرستان جي علائقي شيوا ۾ پاڪ فوج جي چوڪي تي فائرنگ ڪئي.
آءِ ايس پي آر ٻڌايو ته فوجي جوانن دهشتگردن جي فائرنگ تي ڀرپور جوابي ڪارروائي ڪئي ۽ فائرنگ جي ڏي وٺ ۾ نائيڪ نور مرجان شهيد ٿي ويو.
آءِ ايس پي آر موجب علائقي ۾ دهشتگردن جي خاتمي جي لاءِ ڪليئرنس آپريشن جاري آهي.
