برڪينا فاسو ۾ فوج بغاوت جو اعلان ڪري ڇڏيو.
اولهه آفريقي ملڪ برڪينا فاسو ۾ فوج بغاوت جي اعلان کانپوءِ ملڪ جو اقتدار سنڀالڻ جي دعويٰ ڪئي آهي.
فوجي اختيارين سرڪاري ٽي وي تي چيو آهي ته حڪومت معزول ڪئي وئي آهي ۽ پارليامينٽ ٽٽي پئي آهي.
اڃا تائين اهو واضح ناهي ته ملڪ جو سربراهه روڪ مارڪ ڪرسٽيان ڪابوري ڪٿي آهي. راڄڌاني واگادوگو ۾ شهري مبينا فوجي بغاوت جي حق ۾ جشن ملهائڻ لاءِ روڊن تي نڪري آيا.
گڏيل قومن آمريڪا ۽ يورپي يونين فوج جي ان عمل جي سخت لفظن ۾ مذمت ڪئي آهي.
