پاڪستان ڪرڪيٽ بورڊ آسٽريليا جي خلاف ٽيسٽ سيريز لاءِ قومي اسڪواڊ جو اعلان ڪري ڇڏيو.
قومي ٽيم جي چيف سليڪٽر آسٽريليا جي خلاف 3 ٽيسٽ ميچن جي سيريز لاءِ 16 رانديگرن ۽ 5 ريزرو رانديگرن تي ٻڌل قومي اسڪواڊ جو اعلان ڪيو.
آسٽريليا جي خلاف ٽيسٽ سيريز لاءِ قومي ٽيسٽ اسڪواڊ ۾ فاسٽ بالر حارث رئوف ۽ اوپنر شان مسعود جي ٽيسٽ اسڪواڊ ۾ واپسي ٿي آهي، ٻنهي رانديگرن کي اسپنر بلال آصف ۽ اوپنر عابد علي جي جاءِ تي اسڪواڊ ۾ شامل ڪيو ويو آهي، جڏهن ته اسڪواڊ ۾ شامل 21هين ميمبر ياسر شاهه کي ريزرو رانديگرن ۾ شامل ڪيو ويو آهي.
قومي ٽيسٽ اسڪواڊ ۾ شامل جيڪي رانديگر ايڇ بي ايل (پي ايس ايل) 2022ع جو حصو ناهن، اهي 16 فيبروري کان نيشنل اسٽيڊيم ڪراچي ۾ تربيتي ڪيمپ جو حصو بڻجي ويندا.
