پاڪستاني ڪرڪيٽ ٽيم آسٽريليا خلاف راولپنڊي ٽيسٽ جي پهرئين ڏينهن بهترين ڪارڪردگي جو مظاهرو ڪندي راند جي پڄاڻي تائين هڪ وڪيٽ جي نقصان تي 245 رنسون ٺاهي ورتيون.
پاڪستان ۽ آسٽريليا جي ٽيمن وچ ۾ تاريخي سيريز جي شروعات راولپنڊي کان ٿي وئي آهي، جتي قومي ٽيم جي ڪپتان بابر اعظم ٽاس کٽي اڳ ۾ بيٽنگ جو فيصلو ڪيو.
پاڪستان طرفان امام الحق ۽ عبدالله شفيق اننگز اوپن ڪئي ۽ ٻنهي بهترين راند جو مظاهرو ڪندي ٽيم لاءِ 105 رنسن جي اوپننگ ڀائيواري قائم ڪئي پر کاتي جي وقفي کان هڪ اوور اڳ ۾ نيٿن ليون، عبدالله شفيق کي 44 جي افرادي اسڪور تي پويلين موٽائي ڇڏيو.
