مٽياري رپورٽر مٽياري ڀرسان ڏهه دري لنڪ روڊ تي موٽر سائيڪل ۽ رڪشا ۾ زوردار ٽڪر ٿيڻ جي نتيجي ۾ هڪ عورت فوت، ٻه ڄڻا شديد زخمي سول اسپتال حيدرآباد منتقل، خبر موجب. گذريل ڏينهن مٽياري ٿاڻي جي حد ۾ ڳوٺ ڏهه دري موري لنڪ روڊ تي رڪشا ۽ موٽر سائيڪل ۾ زوردار ٽڪر ٿي پيو جنهن جي نتيجي ۾ موٽر سائيڪل سوار عورت مسمات مينا زال جمعون کوسو فوت ٿي وئي، جڏهن ته نينگر طالب ۽ نينگري رقيا کوسو زخمي ٿي پيا جن کي تعلقي اسپتال مٽياري پهچايو ويو جتي طبي امداد ڏيئي کين سول اسپتال حيدرآباد منتقل ڪيو ويو ، پوليس موجب فوتي ۽ زخمين جو تعلق مٽياري ڀرسان ڳوٺ شهمير جي وسين سان آهي، جڏهن ته لوڊر رڪشا ڊرائيور عمران خاصخيلي کي گرفتار ڪري ورتو آهي.
