نائيجيريا جي اتر اولهه رياست زمفرا جي علائقي ۾ رووان جيما ٽائون جي هڪ مقامي مسجد تي ڌاڙيلن حملو ڪري پندرهن ماڻهن کي قتل ڪري ڇڏيو.
برطانوي خابرو اداري جي هڪ خبر موجب موٽرسائيڪلن تي سوار هٿياربندن مسجد ۾ گهري انڌادنڌ فائرنگ شروع ڪري ڏني جنهن جي نتيجي ۾ مسجد ۾ موجود پندرهن نمازي مارجي ويا ۽ ڪيترائي زخمي ٿي پيا.
رپورٽ موجب شهرين جو چوڻ آهي ته واقعي وقت فوري طور تي پوليس کي اطلاع ڏنو ويو هو پر پوليس ڪا به فوري ڪاروائي عمل ۾ نه آندي.
شهرين چيو آهي ته انهن ڌاڙيلن کي ايڪويهه هزار ڊالر، پيٽرول ۽ سگريٽ ڏنا هئا ته جيئن اهي شهر تي رحم ڪن تنهن هوندي به ڌاڙيلن مسجد تي حملو ڪري بي گناهه ماڻهن کي قتل ڪيو آهي ۽ پوليس ڪا به ڪاروائي ناهي ڪئي.
واضح رهي ته گذريل ٻن سالن کان اتر اولهه نائيجيريا جي مختلف شهرن ۾ ڌاڙيلن جي راڄ دهشت ڦهلائي آهي ۽ ان دوران هزارين شهرين جي ڀتي لاءِ اغوا سميت سوين ماڻهن کي قتل ڪيو ويو آهي.
