آرمي چيف جنرل سيد عاصم منير بلوچستان ۾ سي پيڪ منصوبي جو جائزو وٺڻ لاءِ گوادر جو دورو ڪيو.
پاڪ فوج جي عام لاڳاپن واري شعبي (آءِ ايس پي آر) جو چوڻ آهي ته آرمي چيف کي موجوده سڪيورٽي صورتحال، فارميشن جي آپريشنل تيارين، سي پيڪ جي سڪيورٽي ۽ امن امان جي صورتحال کي يقيني بڻائڻ جي ڪوششن تي بريفنگ ڏني وئي.
ان موقعي تي آرمي چيف سمورين رينڪنگ جي ڪوششن کي ساراهيو ۽ انهن تي زور ڏنو ته هو پيشه ور عزم سان بلوچستان جي عوام جي ڀلائي لاءِ ڪم ڪندا رهن، آرمي چيف بلوچستان جي عوام سان ڳالهه ٻولهه به ڪئي.
آرمي چيف چيو ته آڱرين تي ڳڻڻ جيترا عنصر بلوچستان جي عوام ۽ هٿياربند فوج جي عزم کي ختم نٿا ڪري سگهن، جيڪي امن ۽ خوشحالي کي يقيني بڻائڻ لاءِ پرعزم آهن.
آرمي چيف تعليم، سولر سسٽم جي تنصيب، مڇي مارڻ، پاڻي، صحت، راندين ۽ معيشت بابت فلاحي منصوبن جو اعلان ڪيو، جڏهن ته دوري جي موقعي تي بلوچستان جو وڏو وزير قدوس بزنجو ۽ ڪور ڪمانڊر ڪوئيٽا به موجود هئا.
