اسلام آباد جي احتساب عدالت ۾ عمران خان جي پيشي کان اڳ امڪاني ڇڪتاڻ تي ضابطو آڻڻ لاءِ انتظاميا قيدين جون گاڏيون جڊيشل ڪمپليڪس ٻاهران بيهاري ڇڏيون آهن.
ڪمپليڪس جي ٻاهران گهٽ ۾ گهٽ ٽي حراستي گاڏيون لڳايون ويون آهن، جيئن اڳوڻو وزيراعظم عدالت ۾ پيش ٿيڻ جي تياري ڪري رهيو آهي.
ان کان علاوه جڊيشل ڪمپليڪس جي احاطي ۾ انٽرنيٽ سروس جزوي طور تي معطل ڪئي وئي آهي.
عمران خان سان گڏ عدالت ڏانهن ويندڙ قافلي کي روڪڻ لاءِ عدالت ڏانهن ويندڙ رستا به ڪنٽينر لڳائي بند ڪيا ويا آهن.
اسلام آباد پوليس قلم 144 جي ڀڃڪڙي تي پاڪستان تحريڪ انصاف جي 4 ڪارڪنن کي گرفتار ڪري ورتو.
اڳوڻي وزيراعظم جي قافلي ۾ شامل گاڏين سان ڪلر ڪهاڙ ويجهو حادثو پيش آيو، ڪيتريون ئي گاڏيون هڪ ٻئي سان ٽڪرائجي ويون.
وفاقي گادي واري شهر لاهور کان سواءِ مال روڊ تي به سڪيورٽي وڌائي وئي آهي، عمران خان جي عدالت ۾ پيشي کان اڳ سيڪيورٽي جا سخت انتظام ڪري شهر جي اهم شاهراهن کي ٽريفڪ لاءِ بند ڪيو ويو آهي.
مال روڊ تي گهٽ ۾ گهٽ چار قيدي گاڏيون ڏسي سگهجن ٿيون ۽ اڻ وڻندڙ صورتحال کي منهن ڏيڻ لاءِ تازي اينٽي رائيٽس فورس کي مقرر ڪيو ويو آهي.
