گهرو وزارت سوشل ميڊيا تي پاڪ فوج خلاف اهڙي مهم کي روڪڻ لاءِ اسپيشل ٽاسڪ فورس جوڙڻ جو فيصلو ڪيو آهي.
اسپيشل ٽاسڪ فورس ۾ فيڊرل انويسٽيگيشن ايجنسي، پاڪستان ٽيلي ڪميونيڪيشن اٿارٽي ۽ نيشنل ڊيٽابيس اينڊ رجسٽريشن اٿارٽي جا آفيسر شامل هوندا.
وزارت مشاهدو ڪيو آهي ته 8 ٽڪ ٽاڪ اڪائونٽس، 44 ٽوئيٽر اڪائونٽس ۽ 50 کان وڌيڪ فيس بڪ اڪائونٽس فوج خلاف ناڪاري پروپيگنڊا پکيڙي رهيا آهن.
ٽاسڪ فورس پوليس ۽ ٻين قانون لاڳو ڪندڙ ادارن جي مدد ڪندي ۽ سوشل ميڊيا جي استعمال جي حوالي سان سفارشون پڻ ڏيندي.
پاڪستان تحريڪ انصاف ۽ ان جي چيئرمين عمران خان تي حڪومت پاران هٿياربند فوج کي بدنام ڪرڻ جو الزام لڳايو ويو آهي.
