پي ٽي آءِ اليڪشن ڪميشن جي فيصلي خلاف سپريم ڪورٽ وڃڻ جو اعلان ڪندي چيو آهي ته پنجاب ۾ چونڊون ملتوي ڪري آئين جا بخيا اڊيڙيا ويا.
لاهور ۾ پريس ڪانفرنس ڪندي فواد چوڌري چيو ته تحريڪ انصاف پنجاب ۾ چونڊون ملتوي ڪرڻ جو اليڪشن ڪميشن جو فيصلو سپريم ڪورٽ ۾ چئلينج ڪندي.
فواد چوڌري چيو ته سمجهيوسين ته اسان خلاف ڪابينا جي پڌرائي ايندي پر پوءِ خبر پئي اسان ايجنڊا ۾ ئي نه هئاسين، ٽارگيٽ سپريم ڪورٽ هئي.
هن چيو ته سپريم ڪورٽ جي فيصلي خلاف حڪومت ريويو فائل نه ڪيو هو، سويلين سرڪار ۾ پهريون ڀيرو اهڙا قدم کنيا ويا.
