عالمي مالياتي فنڊ (آءِ ايم ايف) جي سربراهه ڪرسٽالينا جارجيوا بيجنگ ۾ هڪ تقرير ۾ چيو ته مالي استحڪام لاءِ خطرا وڌي ويا آهن ۽ هن مارڪيٽ جي دٻاءُ کي گهٽائڻ لاءِ ترقي يافته معيشتن کان قدم کڻڻ جو مطالبو ڪندي مسلسل نگراني تي زور ڏنو.
آءِ ايم ايف جي مئنيجنگ ڊائريڪٽر پنهنجي خطاب ۾ چيو ته 2023 هڪ ٻيو مشڪل سال هوندو، جنهن ۾ وبائي مرض، يوڪرين ۾ جنگ ۽ مالي سختي سبب عالمي ترقي 3 سيڪڙو کان به گهٽ ٿيندي.
هن چائنا ڊولپمينٽ فورم ۾ چيو ته 2024 لاءِ بهتر نقطه نظر باوجود، عالمي ترقي پنهنجي تاريخي اوسط 3.8 سيڪڙو کان گهٽ رهندي ۽ مجموعي نقطه نظر ڪمزور رهندو.
جارجيوا چيو ته ترقي يافته معيشتن ۾ پاليسي سازن بينڪن تباهيءَ کي نظڙ ۾ رکي مالي استحڪام جي خطرن بابت فيصلائتو جواب ڏنو آهي، مارڪيٽ جي دٻاءُ کي ڪجهه حد تائين گهٽائڻ ۾مدد ملي، پر مسلسل نگراني جي ضرورت آهي.
