راڌڻ (رپورٽ: ھريش ڪمار) ڪوٽڙي-لاڙڪاڻو ريلوي ٽريڪ بحال نه ٿيڻ خلاف راڌڻ ۾ شهرين جو ريلوي اسٽيشن تي احتجاجي مظاهرو ڪيو.
سوشل ورڪر نظير احمد بروھي، سائين مظھر علي ڀنڊ ۽ ڪامريڊ نادر علي سولنگي جي اڳواڻيءَ ۾ احتجاج ڪيو ويو.
مظاهرين جو چوڻ هو ته ٻوڏ ۽ برسات کي 8 مهينا گذري چڪا آهن پر ريلوي انتظاميا ۽ ٽراسپورٽ مافيا جي ڳٺ جوڙ سبب ٽرينون بند آھن.
هنن چيو ته عوام ٽرين جھڙي سستي ۽ محفوظ سفر کان محروم آهي، پنجاب ۾ وک وک تي ٽرينن جا اسٽاپ ڪيا ويا آهن.
اڳواڻن چتاءُ ڏنو ته روهڙي لاڙڪاڻو دادو سيوهڻ ڄامشورو ڪوٽڙي ٽريڪ تي ٽرينون نه هلائڻ تائين اسان جو احتجاج جاري رھندو.
