پاڪستان اليڪٽرانڪ ميڊيا ريگيوليٽري اٿارٽي (پيمرا) اسلام آباد ۾ سمورن جلسن ۽ عوامي اجتماعن جي لائيو ۽ رڪارڊ ٿيل ڪوريج تي پابندي لڳائي ڇڏي آهي.
پيمرا پاران هڪ ڏينهن جي پابندي جو نوٽيفڪيشن جاري ڪيو ويو آهي، جنهن موجب احتجاجي ريلي يا عوامي ميڙ جي لائيو يا رڪارڊ ٿيل ڪوريج نه ٿي سگهي، ڪوريج تي پابندي امن امان جي صورتحال کي نظر ۾ رکندي لاڳو ڪئي وئي آهي.
پيمرا جي نوٽيفڪيشن ۾ چيو ويو آهي ته سپريم ڪورٽ جي 2018 جي حڪمن جي روشني ۾ پيمرا آرڊيننس جي سيڪشن 27 تحت ڪوريج تي پابندي لڳائي وئي آهي.
