9 مئي تي ڪراچي ۾ شارع فيصل تي باهه ۽ جلاءُ گهيراءُ جي مختلف واقعن جي ٻن اکين ڏٺن شاهدن جا بيان رڪارڊ ڪيا ويا.
جوڊيشل مئجسٽريٽ ڏکڻ ۾ 9 مئي تي شارع فيصل تي باهه لڳائڻ واري ڪيس جي ٻڌڻي ٿي.
شاهد جو چوڻ هو ته 9 مئي تي مڇريل ماڻهو شارع فيصل تي آيا، گاڏين تي پٿراءُ ڪيو، کين باهه ڏئي ساڙي ڇڏيو.
هن عدالت کي ٻڌايو ته شارع فيصل تي رينجرز جي پوسٽ کي باهه ڏني وئي، پوليس موجب شاهدن رينجرز پوسٽ کي باهه ڏيڻ واري پيءُ ۽ پٽ کي به سڃاڻي ورتو آهي.
ٻئي طرف 9 مئي تي شارع فيصل تي رينجرز چيڪ پوسٽ کي باهه ڏيندڙ پيءُ پٽ کي عدالت ۾ پيش ڪيو ويو.
عدالت عبدالحميد ۽ سندس پٽ کي جوڊيشل رمانڊ تي جيل موڪلي ڇڏيو ۽ ڪيس جي جاچ آفيسر کان چالان به طلب ڪري ورتو.
