سوشل ميڊيا صارفين پاڪستان شوبز انڊسٽري سان لاڳاپيل خوبصورت اداڪار عمران عباس جي ڀيٽ بالي ووڊ جي دبنگ اداڪار سلمان خان ۽ پاڪستاني صدا بهار اداڪاره ماه نور بلوچ سان ڪري رهيا آهن.
تازو ئي هڪ بلاگر جيو ٽي وي تي نشر ٿيندڙ ڊرامي احرام جنون جو اسڪرين شاٽ شيئر ڪيو ۽ ان جي باري ۾ لکيو ته اداڪار عمران عباس پاڪستاني ڊراما انڊسٽري جو سلمان خان آهي، نه ته سندس عمر ۽ نه ئي سندس شخصيت ۾ ڪا تبديلي آئي آهي.
سندس چوڻ آهي ته سلمان خان وانگر 40 ورهين جو عمران عباس به اڄ به هيرو جي ڪردار ۾ نظر اچي رهيو آهي.
سوشل ميڊيا جي مختلف پليٽ فارمن تي تبصرن ۾ مٿين وائرل اسڪرين شاٽ تي تبصرو ڪندي سوشل ميڊيا صارفين گڏيل جذبات جو اظهار ڪيو.
