بالي ووڊ ڪنگ شاهه رخ خان پاران ايڪشن سان ڀرپور سيريز ”ڊان“ جي ٽئين سيڪوئل ”ڊان 3“ کي رد ڪرڻ کانپوءِ سندس جاءِ تي اداڪار رنوير سنگهه کي شامل ڪيو ويو آهي.
ڀارتي ميڊيا رپورٽن موجب تازو ئي پروڊيوسر رتيش سڌواڻي ڊان 3 جو اسڪرپٽ مڪمل ٿيڻ جي تصديق ڪري ڇڏي آهي، جنهن کان پوءِ اهي خبرون آهن ته شاهه رخ خان ڊان 3 ۾ ڊان جي روپ ۾ نظر نه ايندو.
ڀارتي ميڊيا دعويٰ ڪئي آهي ته ڊان 3 ۾ شاهه رخ خان بدران اداڪار رنوير سنگهه کي فلم ۾ مرڪزي ڪردار لاءِ ڪاسٽ ڪيو ويو آهي.
واضح رهي ته فلم ڊان جي هدايتڪاري اداڪار ۽ فلمساز فرحان اختر ڪئي هئي ۽ اها باڪس آفيس تي بلاڪ بسٽر ثابت ٿي هئي.
