پاڪستاني ميوزڪ انڊسٽري جي ليجنڊ سجاد علي جو چوڻ آهي ته پاڪستان جي سياسي نظام ۽ مسئلن جي حوالي سان ڪنهن به قسم جا گانا ڳائڻ جو ارادو ناهي ۽ هو موسيقيءَ جي ان صنف ۾ ئي رهڻ چاهي ٿو.
هن اها ڳالهه ڊيلاس، ٽيڪساس ۾ خصوصي انٽرويو ڏيندي ڪئي، سندس چوڻ هو ته پاڪستان ۾ ڪيترن ئي ڏهاڪن کان موجود نظام ۽ مسئلن جي ڪري ماڻهو هميشه ساڳين شين ۾ مصروف آهن، اهو ئي سبب آهي جو پاڪستان ۾ آرٽ چينل گهٽ ۽ نيوز چينل وڌيڪ آهن.
هن وڌيڪ چيو ته منهنجي جيندر (جينر) ميوزڪ رومانس، اداس گانا ۽ خوشيءَ وارا نمبر آهن، مان پنهنجي صنف کي ڇڏي ڪنهن ٻئي ايجنڊا تي وڃڻ نٿو چاهيان.
گلوڪار سجاد علي وڌيڪ چيو ته مان موسيقي کي تفريحي ليول تائين رکندو آهيان، منهنجي ڳائڻ ۾ ڪجهه نرم ميوزڪ آهي جڏهن ته منهنجي موسيقي لائوڊ ناهي، مان ان تي خوش آهيان، اهو منهنجو انداز آهي ۽ مان پنهنجي انداز ۾ رهڻ پسند ڪندو آهيان.
