سيالڪوٽ: بچاءَ واري وزير خواجا آصف چيو آهي ته پي ٽي آءِ ۽ ان جا اڳواڻ اداري کي نشانو بڻائي رهيا آهن ۽ ان ۾ ٻيا ملڪ به ملوث آهن.
بچاءَ واري وزير اهڙن خيالن جو اظهار چونڊا ۾ شهيدن جي يادگار تي ميڊيا سان ڳالهائيندي ڪيو. بچاءَ وارو وزير يادگار تي قافلي جي صورت ۾ مسلم ليگ ن جي ڪارڪنن ۽ سول سوسائٽي سان گڏ پهتو. شهيدن جي مزارن تي حاضري ڀري فاتحه خواني ڪئي ۽ گلن جي چادر چاڙهي.
خواجا آصف چيو ته پاڪ فوج اسان جو فخر آهي، هن ملڪ لاءِ اسان جون جانيون ۽ مال قربان آهن، پي ٽي آءِ ۽ ان جا اڳواڻ ادارن کي نشانو بڻائي رهيا آهن ۽ انهن ۾ ٻيا ملڪ به ملوث آهن.
بچاءَ واري وزير چيو ته پاڪستاني عوام پنهنجي فوج سان پيار ڪري ٿو، باقاعده پلان تحت غلط تاثر پکيڙڻ جي ڪوشش ڪئي وئي.
