امير جماعت اسلامي ڪراچي حافظ نعيم الرحمان چيو آهي ته اسان جي نمائندگي ختم ڪئي پئي وڃي.
ڪراچي ۾ ميڊيا سان ڳالهائيندي حافظ نعيم الرحمان چيو ته ملڪ ۾ آدمشماري ٿي رهي آهي.
هن چيو ته ڪراچي جي هڪ ڪروڙ 20 لک ماڻهن کي اڃا تائين ناهي ڳڻيو ويو.
حافظ نعيم الرحمان جو چوڻ آهي ته اسان پاڻ سروي ڪرايو آهي پر آدمشماري عملو ڪيترن ئي هنڌن تي نه پهتو آهي.
امير جماعت اسلامي ڪراچي چيو ته هي اسان جي ٻارن جي روزگار جو مسئلو آهي، جيڪڏهن سڀ ڪجهه ٺيڪ نه ڪيو ويو ته احتجاج ڪنداسين.
هنن جو اهو به چوڻ آهي ته هي ماڻهو قبضو ڪري ميئر ٿيڻ چاهين ٿا.
