پاڪستان پيپلز پارٽي جي چيئرمين ۽ پرڏيهي وزير بلاول ڀٽو زرداري چيو آهي ته شهيد جو موت قوم جي حيات آهي.
شهيدن جي ڏهاڙي جي موقعي تي وڊيو پيغام ۾ بلاول ڀٽو چيو ته هر محب وطن پاڪستاني پنهنجو فرض سمجهي ٿو ته پنهنجي ڌرتي جي محبت ۾ شهيد ٿيندڙن سان محبت ڪري.
هن چيو ته جيڪي قومون پنهنجن شهيدن کي وساري ويهن ٿيون، انهن جو تاريخ ۾ نالو وٺڻ وارو ڪو به ناهي، اسان سڀني شهيدن جي رت جا قرضدار آهيون.
بلاول ڀٽو چيو ته اچو ته گڏجي پاڪستان جي ترقي ۽ خوشحالي جو عزم ڪريون، نفرتن جي سمورين ديوارن کي ڊاهي پٽ ڪري ڇڏينداسين، ملڪ جي سمورن شهيدن جي قربانين کي نه رڳو ياد رکيو ويندو پر انهن جي حرمت تي ڪڏهن به ڪوسو واءُ اچڻ نه ڏينداسين.
