آمريڪي سينيٽ جي پرڏيهي معاملن واري ڪميٽي جي سربراهه سينيٽر باب ميننڊز پاڪستان ۾ انساني حقن جي صورتحال تي ڳڻتي جو اظهار ڪيو آهي.
سينيٽر باب ميننڊز پاڪستاني ڄائي آمريڪي ڊاڪٽر آصف محمود سان ملاقات ۾ چيو ته هو پاڪستان ۾ ڏڦيڙ نه پر استحڪام چاهين ٿا.
باب ميننڊز چيو ته پاڪستان ۾ بيگناهه پاڪستاني آمريڪين جي گرفتاري تي کيس ڳڻتي آهي.
ٻئي طرف پي ٽي آءِ آمريڪا جي اڳواڻن سجاد برڪي ۽ عاطف خان آمريڪي سينيٽر جان ڪارنين سان ملاقات ڪئي.
پي ٽي آءِ آمريڪا جي اڳواڻن دعويٰ ڪئي آهي ته سينيٽر ڪورنين چيو آهي ته هو معاملو آمريڪي سينيٽ ۾ اٿاريندو.
آمريڪي ايوان نمائندگان ۾ پاڪستان ڪاڪس جي سربراهه شيلا جيڪسن به پاڪستان جي صورتحال تي ڳڻتي جو اظهار ڪندي چيو ته پرامن احتجاج ڪندڙن کي تحفظ ڏنو وڃي.
