پاڪستان ڪرڪيٽ بورڊ قومي ڪرڪيٽرن جي نئين سينٽرل ڪانٽريڪٽ تي ڪم ڪري رهيو آهي.
ڪپتان بابر اعظم جي وطن واپسي ۽ سينيئر رانديگرن سان مشاورت کانپوءِ معاهدو فائنل ڪيو ويندو.
قومي ڪرڪيٽرن جا سينٽرل ڪانٽريڪٽ 30 جون تي ختم ٿي رهيا آهن، پي سي بي ايندڙ هڪ سال لاءِ نئين ڪانٽريڪٽ تي ڪم شروع ڪري ڇڏيو آهي.
ان حوالي سان ذريعن جو چوڻ آهي ته سينٽرل ڪانٽريڪٽ ۽ قومي ڪرڪيٽرن جي پروموشن ۽ ڊيومينٽ ۾ وڏي پئماني تي تبديلين جو امڪان آهي، جڏهن ته ڪيترائي ڪرڪيٽر سينٽرل ڪانٽريڪٽ کان به محروم ٿي ويندا.
ريڊ بال ۽ وائيٽ بال ڪيٽيگريز کي جاري رکڻ تي صلاح مشورا جاري آهن، گذريل سال پي سي بي ريڊ بال ۽ وائيٽ بال ڪرڪيٽ جون الڳ الڳ ڪيٽيگريون متعارف ڪرايون هيون.
