پاڪستان ڪرڪيٽ ٽيم جي فاسٽ بالر شاهين شاهه آفريدي چيو آهي ته حسن علي سان ڊگهي عرصي کانپوءِ اسٽيڊيم ۾ ملاقات ڪري ڏاڍي خوشي ٿي.
هڪ بيان ۾ شاهين شاهه آفريدي چيو ته خوشي جي ڳالهه آهي ته مداح مون کي ڏسڻ لاءِ اسٽيڊيم جو رخ ڪري رهيا آهن.
شاهين شاهه آفريدي جو چوڻ آهي ته پاڪستاني ٽيم ۾ 10 نمبر واري شرٽ اڳي شاهد آفريدي جي هئي ۽ هاڻي اها مون وٽ آهي.
هن چيو ته هتي اچڻ کان اڳ مون درخواست ڪئي هئي ته 10 نمبر شرٽ الاٽ ڪئي وڃي.
واضح رهي ته ٽي 20 بلاسٽ ۾ ناٽنگهم شائر آئوٽ لاسٽ برمنگهم بيئرز کي شڪست ڏني هئي.
هن ميچ ۾ پاڪستاني فاسٽ بالر شاهين آفريدي شاندار بالنگ ڪندي 39 رنسون ڏنيون ۽ 3 رانديگرن کي آئوٽ ڪيو.
