آمريڪي رياست ٽيڪساس جي شهر فورٽ ورٿ ۾ فائرنگ جي نتيجي ۾ 3 ڄڻا مارجي ويا.
فائرنگ جو واقعو پارڪنگ لاٽ ۾ پيش آيو، جنهن جي نتيجي ۾ هڪ ڄڻو موقعي تي ئي فوت ٿي ويو، جڏهن ته ٻن ڄڻن اسپتال ۾ زخمن جي تاب نه سهندي دم ڏنو.
پوليس جو چوڻ آهي ته اسپتال ۾ 8 ڄڻا علاج هيٺ آهن، جن مان ڪجهه زخمين کي شهرين پنهنجي گاڏين ۾ اسپتال پهچايو.
فورٽ ورٿ پوليس سارجنٽ جيسن اسپينسر صحافين کي ٻڌايو ته اڌ رات کان ٿورو اڳ پارڪنگ لاٽ ۾ وڏو ميڙ هو.
پوليس وڌيڪ چيو ته اهو چوڻ وقت کان اڳ هوندو ته فائرنگ جو مقصد ڇا هو.
