بخشاپور جي مياڻي پوليس سردار سليم جان مزاري ۽ مزاري هائوس جي ترجمان شاهه غلام عرف جاڙو ملڪ جي ڪلاشن ڪوف ڪيس ۾ گرفتاري ظاهر ڪري ڇڏي
گذريل ڏينهن جاڙو خان ملڪ کي گڊو ٿاڻي جي حد مان حراست ۾ وٺڻ بعد اڻڄاتل هنڌ منتقل ڪيو ويو هو
مياڻي پوليس جاڙو ملڪ جي گرفتاري ظاهر ڪندي چيو آهي ته جوابدار وٽان بنا لائسنس واري ڪلاشن ڪوف ۽ 10 گوليون هٿ آيون آهن
پوليس موجب جوابدار کي گشت دوران بخشاپور بڊاڻي لنڪ روڊ تان گرفتار ڪيو ويو، جڏهن ته اي ايس آءِ لال محمد چاچڙ جي مدعيت ۾ جوابدار خلاف ڪيس به داخل ڪيو ويو آهي
ان کان اڳ مزاري هائوس مان جاري ڪيل بيان ۾ جاڙي خان جي گرفتاري وارن اطلاعن جي ترديد ڪئي وئي هئي
