اسلام آباد هاءِ ڪورٽ پي ٽي آءِ چيئرمين کي اٽڪ جيل مان اڊيالا جيل منتقل ڪرڻ جو حڪم ڏئي ڇڏيو آهي
سومر ڏينهن پي ٽي آءِ چيئرمين جي وڪيل شير افضل مروت پي ٽي آءِ چيئرمين کي اڊيالا جيل منتقل ڪرڻ جي درخواست داخل ڪرائي هئي
چيف جسٽس عامر فاروق زباني حڪم جاري ڪندي چيو ته ڪوشش هوندي ته اڊيالا جيل منتقلي جو لکت ۾ آرڊر اڄ ئي جاري ڪيون
چيف جسٽس عامر فاروق رمارڪس ۾ چيو ته پي ٽي آءِ چيئرمين جي سزا جو اسٽيٽس تبديل ٿي چڪو آهي، اسلام آباد جا سمورا انڊر ٽرائل قيدي اڊيالا جيل ۾ آهن، پي ٽي آءِ چيئرمين اڃا تائين اٽڪ جيل ۾ ڇو آهي؟ هو اڊيالا جيل ۾ ڇو نه آهي؟
ايڊيشنل اٽارني جنرل منور اقبال دوگل چيو ته سائيفر ڪيس ۾ گرفتاري وقت عدالتي آرڊر اٽڪ جيل جو آهي
چيف جسٽس عامر فاروق چيو ته پي ٽي آءِ چيئرمين کي اڊيالا جيل منتقل ڪيو وڃي
