خيبر پختونخواهه جي شهر هنگو ۾ جمعي نماز جي خطبي دوران ڌماڪي جي نتيجي ۾ پوليس اهلڪار سميت 4 ڄڻا شهيد ٿي ويا، جڏهن ته 3 ڄڻا زخمي ٿي پيا آهن
پوليس موجب جمعي نماز جي خطبي دوران ڌماڪو ٿيو، جنهن جي نتيجي ۾ پوليس اهلڪار سميت 4 ڄڻا شهيد ٿي ويا، جڏهن ته 3 ڄڻا زخمي ٿي پيا آهن
ڊي پي او هنگو موجب ڌماڪي سبب مسجد جي ڇت ڪري پئي، 30 کان 40 ماڻهو ملبي ۾ دٻجي ويا آهن
واقعي بعد سيڪيورٽي ادارن علائقي کي ڪڙو چاڙهي ڇڏيو آهي، شهيدن جا مڙهه ۽ زخمين کي اسپتال منتقل ڪيو ويو آهي، جڏهن ته ملبي ۾ دٻجي ويلن کي ٻاهر ڪڍڻ لاءِ آپريشن جاري آهي
