آرمي چيف جنرل عاصم منير جي لاهور ۾ عورت کي مڇريل هجوم کان بچائيندڙ اي ايس پي شهربانو سان ملاقات
جنرل عاصم منير اي ايس پي شهربانو جي بهادري ۽ غير يقيني صورتحال تي ڪنٽرول ڪرڻ واري صلاحيت جي واکاڻ ڪئي
آرمي چيف جنرل عاصم منير چيو ته بهادر آفيسر شهربانو نقوي 26 فيبروري تي لاهور جي اڇرا بازار ۾ مڇريل هجوم مان عورت کي حفاظت سان ٻاهر ڪڍيو
اهو واقعو سندس پيشيوراڻي مهارت جو اظهار ڪري ٿو، عورتن جو احترام اسان جي مذهب ۽ معاشرتي قدرن ۾ به موجود آهي، پاڪستان جون عورتون زندگيءَ جي مختلف شعبن ۾ اهم ڪردار ادا ڪري رهيون آهن
آرمي چيف چيو ته خدشن ۽ شڪايتن جي حل لاءِ قانوني دڳ موجود هجن ته قانون هٿ ۾ نه کڻڻ گهرجن، بدعت جي بنياد تي پاڻمراديون ڪارروايون معاشري جي نقطه نظر کي ڪمزور ڪن ٿيون
