اسلم ابڙو 57 ۽ سيف الله ڌاريجو 58ووٽ کڻي سنڌ مان سينيٽر ٿي ويا، اسلام آباد مان پ پ اڳواڻ يوسف رضا گيلاني به سينيٽر ٿي ويو
سينيٽ جي خالي 6 سيٽن تي ننڍي چونڊ لاءِ اسلام آباد جي هڪ، سنڌ جي 2 ۽ بلوچستان جي 3 جنرل سيٽن تي ننڍي چونڊ لاءِ قومي اسيمبلي، سنڌ ۽ بلوچستان اسيمبليز ۾ پولنگ دوران ميمبرز طرفان ووٽ ڪاسٽ ڪيا ويا
سنڌ اسيمبلي ۾ 124 ووٽ ڪاسٽ ٿيا، هڪ ووٽ خارج ، پ پ جي نامزد اميدوارن اسلم ابڙو کي 57 ۽ سيف الله ڌاريجو کي 58 ووٽ مليا، سني اتحاد ڪائونسل جي نذير الله ۽ شازيا سهيل 4-4 ووٽ کنيا
بلوچستان مان پ پ جو عبدالقدوس بزنجو، ن ليگ جو مير دوستين ڊومڪي ۽ جي يو آءِ جو عبدالشڪور سينيٽر چونڊجي ويا
پ پ اميدوار يوسف رضا گيلاني اسلام آباد مان 204 ووٽ کڻي سينيٽر چونڊجي ويو، سندس مقابلي ۾ سني اتحاد ڪائونسل جي اميدوار الياس مهربان کي 88 ووٽ ملي سگهيا
