پشاور: (م ڊ) پشاور هاءِ ڪورٽ خيبرپختونخواهه جي وڏي وزير علي امين گنڊاپور جي خلاف عام چونڊن 2024 ۾ ڌانڌلي جي الزامن جي معاملي تي اليڪشن ڪميشن کان ڪارروائي کان روڪيندي ڌرين کان جواب طلب ڪري ورتو.
پشاور هاءِ ڪورٽ جي جسٽس ارشد علي ۽ جسٽس وقار احمد تي ٻڌل 2 رڪني بينچ عام چونڊن ۾ ڪي پي ڪي جي وڏي وزير تي ڌانڌلي ڪرڻ ۽ زبردست ووٽ ڪاسٽ ڪرڻ جي خلاف اليڪشن ڪميشن ۾ داخل درخواست جي معاملي تي ٻڌڻي ڪئي.
عدالت علي امين گنڊاپور جي خلاف اليڪشن ڪميشن کي ڪارروائي کان روڪي ڇڏيو ۽ اليڪشن ڪميشن سميت ٻين ڌرين کي نوٽيس جاري ڪري ڇڏيو. علي امين گنڊاپور جي مخالف اميدوار اليڪشن ڪميشن ۾ درخواست داخل ڪري رهي آهي جنهن ۾ هن چونڊن ۾ ڌانڌلي ۽ زبردست ووٽ وجهڻ جو الزام لڳايو آهي.
