![](https://dailyaas.com.pk/wp-content/uploads/2024/07/1721215006.jpg)
ٽورنٽو: () ڪئناڊا جي شهر ٽورنٽو ۾ برسات 1941 جو رڪارڊ ٽوڙي ڇڏيو.
پرڏيهي ميڊيا موجب، ٽورنٽو شهر ۾ سئو ملي ميٽر برسات سبب روڊن تلاءَ جو منظر پيش ڪرڻ لڳا، يونين ٽرين اسٽيشن به پاڻي هيٺ اچي وئي ۽ شهر ۾ هن وقت ٻوڏ واري صورتحال آهي.
ميڊيا رپورٽس موجب، تيز برساتن کانپوءِ ڪيئي اُڏامون دير جو شڪار آهن ۽ ڪجهه اُڏامون معطل ڪيون ويون آهن جڏهن ته ٽورنٽو ۾ هڪ لک 60 هزار کان وڌيڪ گهر بجليءَ جي سهولت کان محروم ٿي ويا آهن.
رپورٽ موجب، ٽورنٽو پيئرسن هوائي اڏي واري علائقي ۾ 96 ۽ بلي بشپ ايئرپورٽ واري علائقي ۾ 82 ملي ميٽر کان وڌيڪ برسات رڪارڊ ڪئي وئي.
ميڊيا رپورٽس موجب، ٽورنٽو ۾ ۾ اڄ تائين هڪ ڏينهن ۾ جيڪا سڀ کان وڌيڪ برسات رڪارڊ ڪئي وئي اِها 2013 ۾ پيئرسن ايئرپورٽ واري علائقي ۾ ٿي جيڪا 126 ملي ميٽر هئي.