اسلام آباد: وزيراعظم عمران خان ڪراچي ۾ پنجن سالن جي ٻارڙي ۽ لاهور ويجهو موٽروي تي عورت سان اجتماعي زيادتي وارن واقعن جو سختي سان نوٽيس وٺي ڇڏيو آهي.وزيراعظم لاڳاپيل آءِ جيز کان ڄاڻايل واقعن بابت رپورٽون طلب ڪري ورتيون آهن ۽ چيو آهي ته عورتن جو تحفظ حڪومت جي اولين ترجيح ۽ ذميواري آهي. ڪنهن به مهذب معاشري ۾ اهڙي درندگي ۽ حيوانيت جي اجازت نٿي ڏئي سگهجي.وزيراعظم جو وڌيڪ چوڻ هو ته اهڙا واقعا اسان جي سماجي قدرن جي نفي ۽ سوسائٽي تي بدنما داغ آهن.وزيراعظم واقعي ۾ ملوث جوابدارن کي قانون جي گرفت ۾ آڻڻ ۽ سخت سزا ڏيارڻ جو حڪم ڏنو
