ڪراچي: ٽينس اسٽار ثانيه مرزا پاران پٽ کي دعائون سيکارڻ واري وڊيو وائرل ٿي وئي. رپورٽ موجب ڀارتي ٽينس اسٽار ۽ قومي رانديگر شعيب ملڪ پنهنجي پٽ جون سوشل ميديا پليٽ فارمز تي مختلف دلچسپ تصويرون ۽ وڊيوز اپ لوڊ ڪندا رهندا آهن. تازو ئي پٽ اذهان جي ٻئي سالگره جون تصويرون سوشل ميڊيا تي وائرل ٿي رهيون آهن ۽ هن ڀيري به مداح ان جي وڊيو کي ڏسي تمام گهڻو خوش ٿي رهيا آهن ڇو ته ثانيه مرزا وڊيو ۾ پٽ کي دعائون سيکاري رهي آهي. ان بابت ثانيه مرزا انسٽا پوسٽ ۾ لکيو آهي ته مون کي پنهنجي پٽ تي فخر آهي. اذهان ٻئي دعائون 5 ڏينهن ۾ ياد ڪيون آهن ۽ هو جلد ئي ان دعائن کي صحيح طريقي سان پڙهڻ شروع ڪري ڇڏيندو. ثانيه مرزا لکيو آهي ته مون کي پنهنجي پٽ تي فخر آهي. هن سمهڻ کان اڳ ۽ سفر جي دعا ياد ڪري ورتي آهي. منهنجو پٽ مون کي روزاني تمام گهڻو حيران ۽ خوش ڪندو آهي.
