لاڙڪاڻو(بيورو چيف دلبر شاهد) لاڙڪاڻي شهر دڙي ٿاڻي جي حد مراد واهڻ پاڙي مان بيهوشي واري حالت ۾ 16 سالا نوجوان مليو، جنهن کي علائقي واسين کڻائي چانڊڪا ميڊيڪل اسپتال جي ايمرجنسي واري وارڊ ۾ داخل ڪرايو، جتي نوجوان جو علاج ڊاڪٽرن طرفان هلندڙ آهي، جڏهن ته هٿ آيل نوجوان جي سڃاڻپ شهر جي ڀينس ڪالوني واسي عبدالجبار پٽ بدرالدين لاشاري طور ڪئي وئي، جنهن جي وارث کي اهڙو اطلاع ڏنو ويو، جڏهن ته نوجوان جا وارث اسپتال پهتا جن صحافين کي ٻڌايو ته اسان جو نوجوان عبدالجبار لاشاري نشو واپرائيندو هيو، جيڪو اڄ صبح گهر جو سامان وٺڻ لاءِ ٻاهر نڪتو خبر نه آهي ته هو مراد واهڻ پاڙي ۾ ڪئين پهتو آهي. هوڏانهن ڊاڪٽرن پاران نوجوان جي حالت ڳڻتي جوڳي ٻڌائي پئي وڃي.
