پاڪستان ڪرڪيٽ بورڊ (پي سي بي) ڪورونا جي وڌندڙ ڪيسن سبب پاڪستان سپر ليگ (پي ايس ايل) جو ڇهون ايڊيشن ملتوي ڪري ڇڏيو.
پاڪستان ڪرڪيٽ بورڊ ۽ ٽيمن جي مالڪن وچ ۾ هڪ ورچوئل ميٽنگ ٿي، جنهن ۾ پي ايس ايل کي فوري طور ملتوي ڪرڻ جو فيصلو ڪيو ويو، جنهن جو پي سي بي باضابطا طور اعلان ڪري ڇڏيو آهي.
پي سي بي پي ايس ايل ۾ ڪورونا جي وڌندڙ ڪيسن سبب ايونٽ کي فوري طور اڻڄاتل مدي تائين ملتوي ڪيو آهي.
بورڊ جي چيف ايگزيڪيوٽو وسيم خان ڪراچي ۾ پريس ڪانفرنس ڪندي چيو ته گذريل ڪجهه ڏينهن کان پوندڙ اثرن سبب اسان کي ۽ خاص طور فرنچائز کي ڳڻتي هئي، تنهن ڪري ايونٽ ملتوي ڪرڻ جو فيصلو ڪيو ويو.
