وزيراعظم عمران خان نوجوانن کي روزگار جي فراهمي لاءِ ٻن منصوبن جو اعلان ڪري ڇڏيو.
وزيراعظم عمران خان نوجوانن جي نالي پيغام ۾ چيو ته نوجوانن کي پنهنجي ڪاروبار لاءِ 100 ارب رپيا فنڊ رکيو ويو آهي، اسڪلز ايجوڪيشن لاءِ هڪ لک 70 هزار اسڪالر شپ ڏنيون وينديون، جڏهن ته 50 هزار اسڪالر شپ هائير ٽيڪنالاجيز ۾ ڏنيون وينديون.
هن چيو ته نوجوانن کي سڀ کان وڏو مسئلو روزگار آهي، تنهن ڪري ڪوشش آهي ته هر سال نوجوانن کي روزگار جي فراهمي جي فنڊ ۾ واڌ ڪئي وڃي.
