افغانستان ۾ مختلف حملن ۾ عورتن ۽ ٻارن سميت 11 ڄڻا مارجي ويا.
اتر افغانستان ۾ هڪ شادي تقريب دوران اتي مارٽر گولا ڪرڻ جي نتيجي ۾ گهٽ ۾ گهٽ 7 ڄڻا مارجي ويا ۽ ڪيترائي زخمي ٿي پيا.
ڪاپيسا صوبي جي پوليس کاتي جي ترجمان موجب طالبان تگاب ضلعي ۾ هڪ سيڪيورٽي چيڪ پوائنٽ کي نشانو بڻايو ۽ ان دوران مارٽر گولا هڪ رهائشي علائقي ۾ وڃي ڪِريا، جتي شادي تقريب هلي رهي هئي، نتيجي ۾ عورت ۽ ٻارن سميت 7 ڄڻا مارجي ويا.
هوڏانهن طالبان اهڙي الزام کي رد ڪندي چيو آهي ته اهي مارٽر حملا پوليس طرفان ڪيا ويا، جيڪي هڪ سويلين علائقي ۾ وڃي ڪِريا.
