وزيراعظم عمران خان چيو آهي ته چونڊ عمل ۾ ڌانڌلي روڪڻ ۽ شفافيت يقيني بڻائڻ لاءِ اليڪٽرانڪ ووٽنگ مشين جو استعمال اڪيلو آپشن آهي.
وزيراعظم جي صدارت هيٺ اجلاس ٿيو، جنهن ۾ چونڊ عمل ۾ اليڪٽرانڪ ووٽنگ مشين جي استعمال تي بريفنگ ڏني وئي.
اجلاس ۾ چونڊ سڌارن جي حوالي سان اليڪٽرانڪ ووٽنگ مشين جي استعمال ۽ قانون سازي تي هن وقت تائين جي اڳڀرائي بابت تفصيلي طور آگاهه ڪيو ويو.
ان موقعي تي وزيراعظم اليڪٽرانڪ ووٽنگ مشين جي چونڊ عمل ۾ استعمال ۾ شفافيت ۽ سمورا آئيني تقاضا پورا ڪرڻ جي هدايت ڪئي.
هن چيو ته موجوده حڪومت ملڪ جي چونڊ عمل ۾ شفافيت کي يقيني بڻائڻ لاءِ پرعزم آهي، چونڊ عمل ۾ ڌانڌلي روڪڻ ۽ شفافيت يقيني بڻائڻ لاءِ اليڪٽرانڪ ووٽنگ مشين جو استعمال اڪيلو آپشن آهي.
سندس چوڻ هو ته سمنڊ پار پاڪستاني ملڪ جو اثاثو آهن، چونڊ عمل ۾ انهن کي لازمي طور شريڪ بڻائينداسين، چونڊ سڌارن، اليڪٽرڪ ووٽنگ ۽ سمنڊ پار پاڪستانين کي ووٽ جي حق جو عمل جلد مڪمل ڪيو وڃي.
