پاڪستان سپر ليگ 6 جي فائنل کان اڳ پشاور زلمي کي وڏو ڌڪ لڳو آهي ۽ بائيو سيڪيور ببل جي ڀڃڪڙي تي حيدر علي ۽ عميد آصف کي معطل ڪيو ويو آهي.
پاڪستان ڪرڪيٽ بورڊ طرفان جاري ڪيل پڌرائيءَ ۾ چيو ويو آهي ته پشاور زلمي جي حيدر علي ۽ عميد آصف کي بائيو سيڪيور پروٽوڪولز جي ڀڃڪڙي تي معطل ڪيو ويو آهي.
بورڊ موجب ٻنهي رانديگرن کي پي ايس ايل فائنل ۾ شرڪت جي اجازت نه هوندي، جڏهن ته حيدر علي انگلينڊ ۽ ويسٽ انڊيز جي دوري کان به ٻاهر ٿي ويو آهي.
