ڪورونا ويڪسينيشن لاءِ اڳوڻي وزيراعظم نواز شريف جي نالي جي هڪ ٻي انٽري سامهون اچي وئي.
لاهور کانپوءِ نارووال جي هڪ سينٽر ۾ به ڪورونا ويڪسينيشن ۾ نواز شريف جو نالو داخل ٿيل آهي، نارووال جي ويڪسين سينٽر ۾ نواز شريف جي سڃاڻپ ڪارڊ جو نمبر داخل ڪيو ويو.
ڊپٽي ڪمشنر نبيلا عرفان موجب جوابدار ناصر رئوف ۽ ثاقب کي گرفتار ڪيو ويو، جن خلاف قانون موجب ڪارروائي ٿيندي.
سندس چوڻ هو ته جوابدارن نواز شريف جي نالي جي جعلي انٽري ڪئي ۽ ڊيٽا داخل ڪرڻ ۾ اڳوڻي وزيراعظم جي سڃاڻپ ڪارڊ جي ڪاپي استعمال ٿي.
واضح رهي ته ڪجهه ڏينهن اڳ انڪشاف ٿيو هو ته نواز شريف کي سائنو ويڪ ويڪسين 22 سيپٽمبر تي شام 4 لڳي 4 منٽن تي لڳائي وئي، جڏهن ته ٻئي ڊوز لاءِ 20 آڪٽوبر تي گهرايو ويو.
نواز شريف جي ويڪسينيشن ڪوٽ خواجا سعيد اسپتال ۾ ڪئي وئي هئي، معاملو سامهون اچڻ کانپوءِ اين سي او سي پنهنجي ڊيٽا مان ان جو رڪارڊ ختم ڪري ڇڏيو هو.
