يو اي اِي ترڪي جي معيشت کي سهارو ڏيڻ لاءِ ڳري سيڙپڪاري جو اعلان ڪري ڇڏيو.
پرڏيهي خابرو اداري موجب گڏيل عرب عمارتن طرفان ترڪي ۾ 10 ارب ڊالرن جي سيڙپڪاري جو اعلان ڪيو آهي.
عرب ميڊيا موجب يو اي اِي طرفان اهو اعلان امارات جي ولي عهد شيخ محمد بن زايد ۽ ترڪي جي صدر طيب اردوان وچ ۾ ملاقات بعد ڪيو ويو.
عرب ميڊيا موجب يو اي اِي پاران ترڪي ۾ سيڙپڪاري جو اعلان ٻنهي ملڪن وچ ۾ لاڳاپن جي هڪ نئين بابت کي کوليندو.
عرب ميڊيا جو چوڻ آهي ته امارات طرفان اهو قدم ترڪي جي معيشت کي سهارو ڏيڻ ۽ ٻنهي ملڪن وچ ۾ گڏيل سهڪار کي وڌائڻ لاءِ کنيو ويو آهي.
پرڏيهي ميڊيا موجب سيڙپڪاري ۾ اسٽريٽجڪ سيڙپڪاري سڀ کان اهم هوندي جڏهن ته توانائي، صحت ۽ خوراڪ جي شعبن کي به خاص اهميت حاصل آهي.
واضح رهي ته ترڪي جي ڪرنسي ليرا جي قدر ۾ گذريل ڏينهن تاريخي گھٽتائي ٿي هئي ۽ ليرا ڊالر جي ڀيٽ ۾ 15 سيڪڙو تائين هيٺ اچي ويو هو.
