اٽارني جنرل پاڪستان خالد جاويد عدالتي حڪم جي روشني ۾ اڳوڻي چيف جسٽس جج گلگت بلتستان راڻا شميم کي خط لکي ڇڏيو.
اسلام آباد هاءِ ڪورٽ گلگت بلتستان جي اڳوڻي چيف جج راڻا شميم کي اصل حلف نامو جمع ڪرائڻ ۽ ان سان لکت ۾ جواب جمع ڪرائڻ جو حڪم ڏنو آهي.
اٽارني جنرل پاڪستان خالد جاويد طرفان راڻا شميم کي لکيل خط ۾ چيو ويو آهي ته اڳوڻي چيف جسٽس خلاف بيان جو حلف نامو پاڪستاني هاءِ ڪميشن لنڊن کي ڏنو وڃي ۽ حلف نامي جي ڪاپي مهربند لفافحي ۾ پاڪستاني هاءِ ڪميشن لنڊن کي اماڻي وڃي.
خط ۾ وڌيڪ لکيو ويو آهي ته پاڪستاني هاءِ ڪميشن حلف نامي ذريعي پرڏيهي وزارت رجسٽرار اسلام آباد هاءِ ڪورٽ کي موڪليندي.
